Search Patriotic Song,Singer,Poet in This Blog.

Friday, November 18, 2011

Aaj phir Gulshan-e-Tauheed mai Ayee hai Bahaar ( Lyrics & Download )

Aaj phir gulshan-e-Tauheed mein aaei hai bahaar
Jis ke har gul pe gulistaan-e-erum bhi hai nisaar
Har shay-e-Ishq-e-Risaalat se hai me kash sarshaar
yeh woh mey hai utarta hi nahi jis ka khumaar

Jaa'n fidaani hai bahaar is chaman-e-muslim ki
hai Bari qaid se sarhad Watan-e-Muslim ki

Deen hai aik Musalmaanon ka Imaan hai aik
hai Khuda aik, Nabi Aik hai, Quraan hai aik
Aik Qanoon hai, Islam ka farmaan hai aik
Haq-O-baatil ki pashar ke liye pehchaan hai aik

Millat-O-Qoum ka Dusham jo hai, Insaan nahi
Qaum ka jo hai mukhaalif woh Musalmaan nahi

nagawaar aaj hai aghyaar ko Takbeer-e-Azaa'n
saazishain hain ke mite Hind se Muslim ki zabaa'n
hausle kya kya raqeebon ke hain, kya kya armaa'n
saari duniya pe yeh roshan hai, kary kese bayaa'n

us ki tadbeer hai, Tehzeeb-e-Hijaazi na rahe
kahin Masjid na rahe, koi Namaazi na rahe

ham ko ehsaas na tha, Millat-e-Muslim kya hai
kuch khabar is ki na thi, Taaqat-e-Muslim kya hai
log agaah na the, Himmat-e-Muslim kya hai
ab samajhte hain adu, Quwwat-e-Muslim kya hai

us ne ki Hind ke Muslim ki Siyaasi Islaah
kaun? woh Qauid-e-Azam jisey kehte hain Jinnah


Singer            : Alamgir
Poet              : Mian Bashir Ahmed
Released        : 1989



Aaj Pjir Gulshan-e-Tauheed Mai Aaye hai Bahar by Alamgir-MP3 Free Download-Click Here




No comments: