Tulu-e-Islam-Tu Raaz-e-Kun Fakaa'n Hai-Kalam-e-IQBAL ( Lyrics & Download )

Tu Raaz-e-Kun Fakan Hai, Apni Ankhon Par Ayan Ho Ja
Khudi Ka Raazdan Ho Ja, Khuda Ka Tarjuman Ho Ja
Hawis Me Kar Diya Tukre Tukre Nau-e-Insan Ko
Akhuwat Ka Byan Ho Ja, Mohabbat Ki Zuban Ho Ja
Ye Hindi, Who Khurasani, Ye Afghani, Who Toorani
Tu Ae Sharminda-e-Sahil ! Uchal Kar Be-Karan Ho Ja
Ghubar Aludah-e-Rang-o-Nasb Hain Baal-O-Par Tere
Tu Ae Murgh-e-Haram! Urne Se Pehle Par-Fishan Ho Ja
Khudi Mein Doob Ja Ghafil ! Ye Sir-E-Zindagani Hai
Nikl Kar Halqa-E-Shaam-O-Sahar Se Javidan Ho Ja
Masaf-E-Zindagi Mein Seerat-e-Foulad Paida Kar
Shabistan-e-Mohabbat Main Hareer-o-Parniyan Ho Ja
Guzar Ja Ban Ke Seel-E-Tund Ro Koh-E-Byaban Se
Gulistan Rah Mein Aye To Joo’ay Naghma Khawan Ho Ja
Tere Ilm-o-Mohabbat Ki Nahin Hai Intaha Koi
Nahin Hai Tujh Se Barh Kar Saaz-e-Fitrat Mein Nawa Koi
Poet           : Hakim-ul-Ummat Allama Muhammad Iqbal(Ra)
Singer        : Ghulam Ali
Music        : Khalil Ahmed
Released   : 1977
Re-Sing     : Humera Channa
Released   : 1986
Pakistan Television


Tu Raaz-e-Kun Fakaan hai-Tulu-e-Islam by Ghulam Ali-MP3 Free Downlaod-Click here 

Tulu-e-Islam-Sarashk-e-Chashm-e-Muslim Mai Hai-Kalam-e-IQBAL ( Lyrics )

Sar Shak-e-Chashm-e-Muslim Mein Hai Neesan Ka Asar Paida
Khalil-Allah (A.S.) Ke Darya Mein Hon Ge Phir Guhar Paida
Kitab-e-Millat-e-Baiza Ki Phir Sheeraza Bandi Hai
Ye Shakh-e-Hashmi Karne Ko Hai Phir Barg-e-Bar Paida
Rubood Aa'n Turk Sheerazi Dil-e-Tabraiz-o-Kabil Ra
Saba Karti Hai Buay Gul Se Apna Hamsafar Paida
Agar Usmaniyon Par Koh-e-Gham Toota To Kya Gham Hai
Ke Khoon-E-Sad Hazar Anjum Se Hoti Hai Sahar Paida
Jahan Baani Se Hai Dushwar Tar Kar-e-Jahan Beeni
Jigar Khoon Ho To Chashm-e-Dil Mein Hoti Hai Nazar Paida
Hazaron Saal Nargis Apni Benoori Pe Roti Hai
Bari Mushkil Se Hota Hai Chaman Mein Didahwar Paida
Nawa Pera Ho Ae Bulbul Ke Ho Tere Taranum Se
Kabootar Ke Tan-e-Nazuk Mein Shaheen Ka Jigar Paida
Tere Seene Mein Hai Poshida Raaz-e-Zindagi Keh De
Musalman Se Hadees-e-Soz-o-Saaz-e-Zindagi Keh De

Poet               : Dr.Allama Muhammad Iqbal(Ra)
Singer            : Mehdi Hassan
Released        : 1977
Radio Pakistan Karachi.
Re-Sing          : A.Nayyar
Released        : 1986
Pakistan Television Karachi.

Kiran Meri Zameen Par ( Watan ka Naghma-Lyrics )

Kiran Meri Zameen par Utar gyee Bahar ki
Qaba-e-Yasmeen par Dhanak hai Sabz Taar ki
Nayee Faza ki Chaah mai Naya hi Aftab hai
Zameen ke Naam Roshni ka Pyar Intesaab hai
Kiran Meri Zameen par Utar gyee Bahar ki
Bisat-e-Asman par Dhanak ka Raqs Dekh len
Hawa ke Badban par Baadan ka Aks Dekh len
Yeh Aks jo Safar ki Raah Apna Mahtab hai
Zameen ke Naam Roshni ka Pyar Intesaab hai
Kiran Meri Zameen par Utar gyee Bahar ki
Qaba-e-Yasmeen par Dhanak hai Sabz Taar ki
Kali ki Ankh Khul gyee Saba ke Narm Pyar par
Shajar ne Neend Utar di Hawa ki Ik Pukaar par
Faza-e-Dasht-e-Jaan mai ab Gulab hi Gulab hain
Zameen ke Naam Roshni ka Pyar Intesaab hai
Kiran Meri Zameen par Utar gyee Bahar ki
Qaba-e-Yasmeen par Dhanak hai Sabz Taar ki
Nayee Faza ki Chaah mai Naya hi Aftab hai
Zameen ke Naam Roshni ka Pyar Intesaab hai
Kiran Meri Zameen par Utar gyee Bahar ki

Singer             : Humera Channa
Poet                : Qateel Shifaee
Music             : Nisar Bazmi
Released        : 1983
Pakistan Television Lahore Center.

Khuda Karay k Meri Arz-e-Pak Pe Utray wo Fasl-e-Gul ( Lyrics & Download )

Khuda Karay ke Meri Arz-e-Pak par Utray
Woh Fasl-e-Gul Jisay Andesha-e-Zawal na Ho
Khuda Karay................................Khuda karay
Yahan jo Phool khilay woh khila rahay barson
Yahan Khizaa'n ko guzarne ki bhi majaal na ho
Khuda Karay................................Khuda Karay
Yahan jo Sabza ugay woh Hamesha Sabz rahay
Aur Aisa Sabz jis ki koi Misaal na ho
Khuda Karay................................Khuda Karay
Khuda karay ke na  kham ho Sar-e-Waqar-e-Watan
Aur is ke Husn ko Tashveesh-e-Maah-o-Saal na ho
Khuda Karay................................Khuda Karay
Har aik Fard ho Tehzeeb-o-Fan ka Auj-e-Kamal
Koi Malool na ho koi Khasta Haal na ho
Khuda Karay................................Khuda Karay
Khuda karay k mere aik bhi hum watan ke liye
Hayat Jurm na ho Zindagi Vabaal na ho
Khuda Karay ke Meri Arz-e-Pak par Utray
Woh Fasl-e-Gul Jisay Andesha-e-Zawal na Ho
Khuda Karay...............................Khuda Karay



Singer      : Amjad Hussain
Poet         : Ahmed Nadeem Qasmi
Released  : 1981 ( PTV )
Remake   : Humaira Channa ( 1985 for PTV )
                 : in 2012 for ISPR 

Khuda Karay ke meri Arz-e-Pak pe Utray-Pak Army Song-MP3 Free Download-Click Here