Jo Paisa Hum Bachatay Hain Watan Ke Kaam Ata Hai ( Lyrics )

Jo Paisa Hum Bachatay hain Watan ke Kaam Aata hai
Hamara Khoon-e-Dil Jese Badan ke Kaam ata hai
Jo Paisa Hum Bachatay hain Watan ke Kaam ata hai
Yeh Paisa hi to hai jo Daanay Daanay mai Numayan hai
Safeer-e-Zindagi ban kar Rag-o-Pai mai Khuramaa'n hai
Isi ke Noor se Roshan, Ciragh-e-Ilm-o-Irfa'n hai
Chiraghon ka Ujaala Anjuman ke Kaam Ata hai
Jo Paisa Hum Bachatay hain Watan ke Kaam Aata hai
Hamara Khoon-e-Dil Jese Badan ke Kaam ata hai
Yeh Paisa Jama ho to, Khwaab-e-Farda ka Khazana hai
Kaheen Ghar Kaheen Maktab Kaheen Yeh Kaarkhana
Kabhi Roshan Haqiqat hai Kabhi Rangee'n Fasana hai
Yeh Woh Tesha hai jo Har Koh Kun ke Kaam ata hai
Jo Paisa Hum Bachatay hain Watan ke Kaam Aata hai
Hamara Khoon-e-Dil Jese Badan ke Kaam ata hai
Yeh Paisa Apne Haathon mai Khuda ki Ik Amanat hai
Ke Sarf-e-Be Zaroorat hi Amanat mai Khayanat hai
Yeh Paisa Mulk-o-Millat ke Tahaffuz ki Zamanat hai
Zar-e-Gul jis Tarah Saare Chaman ke Kaam Ata hai
Jo Paisa Hum Bachatay hain Watan ke Kaam Aata hai
Hamara Khoon-e-Dil Jese Badan ke Kaam ata hai

Singer            : Mehnaz
Poet              : Himayat Ali Shaayer
Music            : Khalil Ahmed
National Saving Scheme Song.