Qadam Uthaain to Manzil Qareeb Aati Hai ( Lyrics )

Koi bhi Phool Sitaaron se Kum Shajar mai nahee'n
Thakan ka Naam kaheen Soch ke Safar mai Naheen
Qadam Uthaain to...............................................
Qadam Uthaain to Manzil Qareeb Aati hai
Manzil Qareeb Aati hai...................................
Watan ki Mitti pe Rangon ke Qaflay hain Rawaa'n
Har Aik Zarra Yahan Roshni ka Taaza Jahaa'n
Hawaain Shauq naveed-e-Sahar Sunaati hain
Qadam Uthaain to...........................................
Qadam Uthaain to Manzil Qareeb Aati hai
Manzil Qareeb Aati hai...................................
Rawish Rawish pe Yahan har Gulab Bikhray hain
Taman Chehron pe sab Aftaab Bikhray hain
Kali ki Khushbu bhi Yahaan Jugnu Uraati hai
Qadam Uthaain to.............................................
Qadam Uthaain to Manzil Qareeb Aati hai
Manzil Qareeb Aati hai..................................
Chalain to detay Rastay Bharay Samunder bhi
Dilon mai  Karwatain leti hai Lau Iraadon ki
Saada-e-Subh-e-Watan Geet Yeh Sunati hai
Qadam Uthaain to.............................................
Qadam Uthaain to Manzil Qareeb Aati hai
Manzil Qareeb Aati hai.....................................


Singer           : Asad Amanat Ali Khan
Poet              : Jamil ud Din Aali
Music           : Nisar Bazmi
Released      : 1978
Pakistan Television Islamabad Center.