Jazba-e-Parwaaz, Apne Fazaiyye ke Andaz ( Tribute to PAF)

Apne Fazaiye ke yeh Andaz dekhye
Shahee'n bacchon ka Jazba-e-Parwaz dekhye
   Hamaray Hawai Jahazon ka Aaj 
   Fizaaon pe Qabza Hawaon mai Raaj
   Uqaab-e-Falak Sair Shahee'n Bacchay
   Paron par rakhain Sarfaroshi ke Taaj
Parcham Fazaiyye ka Sarafraaz Dekhye
Apne Fazaiye ke yeh Andaz dekhye
Shahee'n bacchon ka Jazba-e-Parwaz dekhye
   Banay hain Mulk-o-Millat ke Saharay
   Falak Parwaz Tayyaray Hamaray
   Par Afsaa'n jis tarah Noori Farishtay
   Darakhsha'n jis tarah Gardoo'n pe Taaray
   Ghalib hain har Mahaaz pe Janbaz dekhye
Apne Fazaiye ke yeh Andaz dekhye
   Shahee'n bacchon ka Jazba-e-Parwaz dekhye
   Apne Iqdaam hai kia kia sabab-e-naaz apne
   Chhaa gaye Jang ke Maidan mai Janbaz apne
   Behr-o-Bar mai hain rawan Bahri-o-Barri Afwaj
   Hukumraa'n aaj hawa par hain Hawa Baaz apne
Woh chha gaye Hawa pe Hawa Baaz dekhye
Apne Fazaiye ke yeh Andaz dekhye
Shahee'n bacchon ka Jazba-e-Parwaz dekhye

Singer             : Taj Multani & Chorus
Poet                : Raees Amrohawi
Released         : 14 Sept 1965 (Durin War)
Radio Pakistan Karachi