Pak Shaheenon Faza ke Sheharyaron ko Salam(Lyrics & Download)

Pak Shaheenon Faza ke Sheharyaron ko Salam
Aasmanon par Zamee'n ke Cahnd Taaron ko Salam
Pak Shaheenon Faza ke Sheharyaron Ko Salam
Tum Hawaon mai Watan ki Sarzamee'n ke Pasba'n
Tum Hawaon mai Khiramaa'n Tum Khalaon mai Rawa'n
Wadiyon Aabadiyon Daryaon aur Sehraon mai
Fauj barhti hai Tumaharay Shehparon ki Chhaoon mai
Nasl-e-Nau Paye gi Tum se Manzil-e-Nau ka Suraagh
Aandhiyon ki Zad pe Roshan kar diye Tum ne Chiragh
Naujawanon ko Salam Un ki Uraanon ko Salam
Aasma'n par Tairti Phirti Chatanon ko Salam
Pak Shaheenon Faza ke Sheharyaron ko Salam
Tum Jhapattay ho Faza mai ya Jhapattay hain Uqaab
Naghma zan hai Aasmanon par Zameenon ka Shabab
Tum se Gherat ki Hararat Tum se Azaadi ka Noor
Tum Burhapay ke Saharay Tum Jawani ka Ghuroor
Sherdil Maaon ke Gheratmand Farzandon Salam
Pak Shaheenon Faza ke Sheharyaron ko Salam
Aasmanon par Zamee'n ke Cahnd Taaron ko Salam
Pak Shaheenon Faza ke Sheharyaron Ko Salam

Singer                   : Mehdi Hassan
Poet                     : Brig.Zameer Ahmed Jafari(Late)
Released              : 14th Sept 1965 (During War)
Radio Pakistan Lahore