Sialkot ke Maidaan-e-Karzar ko dekh

Hamari Qaum ke Mardaan-e-Ja'n nisar ko dekh 
Sialkot ke Maidaan-e-Karzar ko dekh
Nigah-e-Dehar mai kion kar na ho jameel-ohasee'n
Ke yeh Mahaz sab hi lahoo se hai rangee'n
Pathan-o-Sindhi-o-Baluch ka sawal nahi
Tamam Qaum ka hai yeh mahaz-e-azm-o-yaqee'n
Jo dekhna hai to is Ahini Hisaar ko dekh
Sialkot ke Maidaan-e-Karzar ko dekh
Sialkot ka maaidan-e-karzar hai yeh
Jehad-e-Haq ka ajab ahini hisaar hai yeh
Jamal-e-Khoon-Shaheedan se lalazar hai yeh
Hayat-e-Taza ki zinda yadgar hai yeh
Hayat-e-Taza ki is zinda yadgar ko dekh
Sialkot ke Maidaan-e-Karzar ko dekh
Woh barh rahi hai jawanan-e-saf shikan ki sipah
Faraar jang se dushman hua bahal-e-tabah
Chalay chalo ke hai Taaid-e-Eezdi hamra
Ba Haq Ash'hadu A'lla Ilaha Illallah
Nishan-e-Fateh-e-Mobee'n Shan-e-Kirdgar ko dekh
Sialkot ke Maidaan-e-Karzar ko dekh

Singer            :  Mehdi Hassan & Chorus
Poet               : Raees Amrohawi
Released        : 18 Sept 1965 (During War)
Radio Pakistan Lahore