Search Patriotic Song,Singer,Poet in This Blog.

Loading...

Monday, November 14, 2011

Yeh Watan Tumhara Hai ( Milli Naghma-Lyrics & Download )

Ye Watan tumhara hai,
Tum ho Pasban is ke,
Ye chaman tumhara hai,
Tum ho Naghma-khuaan is ke.
Ye Watan Tumhara hai,
Tum ho Pasban is ke.
Iss chaman ke Phoolon par,
Rang -o- Aab tum se hai,
Iss zameen ka har zarrra,
Aftab tum se hai,
Ye Fiza Tumharee hai,
Behr-o-Bar Tumharey hain,
Kehkeshan ke ye jaley,
Rehguzar Tumharey hain.
ye watan tumhara hai,
tum ho pasban is ke.
Iss zameen kee mitti main,
khoon hai shaheedon ka,
arz-e-pak markaz hai,
Qaum kee umeedon ka,
Nazam-o-zabt ko Apna,
Meer-e- Karwan jano,
waqt ke andhron mein,
Apna Aap pehchanno.
ye watan tumhara hai,
tum ho pasban is ke.
ye Zameen Muqaddas hai,
Maan ke pyar kee soorat,
iss chaman mein tum sab ho,
Barg-o-baar kee soorat,
dekhna gawana mut,
dolat-e-yaqeen logo!
ye watan Amanat hai,
aur tum !Amee'n Logo!
Ye Watan Tumhara hai,
Tum ho Pasban is ke.
Meer-e-Karwan Hum thay,
Rooh-e-karwan Tum ho,
Ham to sirf Unwa'n thay,
Asl Dastan tum ho,
Nafraton ke Darwazey
inn pe band hee rakhna,
iss Watan ke Parcham ko,
Sar baland hee rakhna,

ye Watan Tumhara hai,

Tum ho Pasban is ke
ye Chaman Tumhara hai,
Tum ho Naghma-khwan is ke

Singer             : Mehdi Hassan
Poet               : Kaleen Usmani
Released        : 1979 ( Pakistan Television Karachi )
Remake         : Komal Rizvi ( 1997 for STN )
                      : Faisal Lateef ( 2006 for PTV )
                      : Azal Band ( 2009 )
                      : Shehbaz Mehdi ( 2010 )
                      : Imran Shiekh Qadri ( 2012 for GEO TV )



Audio MP3 Free Download-Yeh Watan Tumhara hai by Mehdi Hassan


No comments: